

D2182

སྦྱིན་སྲེག་ལས་ཀྱི་ཆོ་ག། །སློབ་དཔོན་བྷ་བས་མཛད་པ་རྫོགས་སོ།།[་]@#། །རྒྱ་གར་སྐད་དུ། བཛྲ་པཱ་ཎི་མྦི་ལཱལྦ་ར་དྷ་ར་ཧོ་ཏྲོ་བི་བྱེཿ། བོད་སྐད་དུ། ཕྱག་ན་རྡོ་རྗེ་གོས་སྔོན་པོ་ཅན་གྱི་སྦྱིན་སྲེག་གི་ཆོ་ག་།དཔལ་གོས་སྔོན་ཅན་ལ་ཕྱག་འཚལ་ལོ། །མན་ངག རིམ་པ་དྲན་ཙམ་ཞིག་།སློབ་མའི་དོན་དུ་བཤད་པར་བྱ། །སྔོན་དུ་བསྙེན་པ་རྫོགས་པ་ཡིས། །སྒྲུབ་པ་ཡི་ནི་དུས་དག་ཏུ། །སྦྱིན་སྲེག་དག་གིས་གསད་པར་བྱ། །ས་བརྟག་བསླང་ཞིང་སྦྱང་བ་དང་། །བྱིན་གྱིས་བརླབ་ཅིང་བསྲུང་བ་དང་། །སྙིང་པོ་དག་ཏུ་བྱ་མི་དགོས། །མཎྜལ་གྲུ་གསུམ་ལྷོ་ཕྱོགས བསྟན།།ཁྲུ་གང་ཚད་ལ་ཕྱེད་བརྐོས་ནས། །གསུམ་དོར་གསུམ་ནི་ཁ་ཁྱེར་རོ། །བདུད་རྩི་སོགས་ཚོན་ནག་པོར་བྱ། །དེ་དབུས་རྡོ་རྗེ་སྟེང་ཡང་དེ། །བར་དུ་མེ་རི་རྩེ་མོ་འཕགས། །བུད་ཤིང་གནག་ཅིང་གདུག་པའི་ཤིང་། །ཐབ་ཀྱི་ཚད་ལས་སོར་མཐོ་ཙམ། །ཡམ་ཤིང་དེ་མཐུན་བཅུ་གཉིས་ཚད། ། མཆོད་རྫས་ནག་པོ་ལ་སོགས་ཤིས། །སྲེག་རྫས་མར་ནག་རུས་ཁྲག་ཤ། །སྐྱེ་ཚེ་ཤང་ཚེ་ཡུངས་ཀར་དང་། །དེ་ལ་སོགས་པའི་ཐུན་རྫས་བྱ། །རྫས་དེ་རྣམས་ཀྱིས་གཟུགས་བརྙན་བྱ། །མཆོད་རྫས་གཡས་ལ་སྲེག་རྫས་གཡོན། །བྱིན་གྱིས་བརླབ་ཅིང་གཞག་པར་བྱ། །དགང གཟར་བླུགས་གཟར་གཞན་དང་མཐུན།།ཡང་ན་ལག་པ་དག་གིས་བྱ། །དེ་གཉིས་རྡོ་རྗེ་དྲིལ་བུ་ཡང་། །མདུན་ཉིད་དུ་ཡང་གཞག་པར་བྱ། །བཟང་ངན་དེ་ནི་བྱ་མི་དགོས། །ལས་ཀྱི་བུམ་པས་ཐམས་ཅད་བསང་། །དུས་ནི་ནམ་ཕྱེད་ཉིན་ཕྱེད་བྱ། །རྒྱན་ཆ་གོན་ལ་ལྷོ་ཕྱོགས་བལྟ། ། གཡོན་བརྐྱང་འདུག་སྟེ་དྲག་ཏུ་བཟླས་། །མཆེ་བ་གཙིགས་ཤིང་ཁྲོ་གཉེར་བསྦུ། །དང་པོ་བསྐྱེད་པ་སྔོན་སོང་ནས། །མེ་སྦར་བརྟག་ཅིང་བགེགས་བཟློག་བྱ། །བཟང་ན་དེ་ནི་བྱ་མི་དགོས། །ཐ་མས་སྦྱང་ཞིང་བསྐྱེད་པ་དང་། །ཆོ་ག་གསུམ་དང་སྐད་ཅིག་མས། །མེ་ལྷ་ནག་པོ་ཁྲོས པ་བསྐྱེད།།ཡེ་ཤེས་མེ་ལྷ་སྤྱན་དྲངས་བསྟིམ། །གཉིས་སུ་མེད་པར་རྒྱས་བཏབ་ལ། །མེ་ལྷའི་སྔགས་ལ་མཆོད་སྔགས་བཏགས་ཏེ་དབུལ། །དེ་ནས་སྲེག་རྫས་དབུལ་བར་བྱ། །དེ་དག་དབུལ་བའི་མན་ངག་ཀྱང་། །ཁྲོ་བོ་དག་གི་ཆོ་འཕྲུལ་གྱིས། །གཟུགས་བརྙན་དགུག་ བསྟིམ་གཏུབས་ཏེ་དབུལ།།ཡང་ན་རྫས་མཆོད་མཉེས་པ་ལས། །འོད་ཟེར་ཁྲོ་བས་རྐ་དགུག་ཅིང་བསྲེག་།མན་ངག་དེ་ལ་ནན་ཏན་བྱ། །ོཾ་བཛྲ་ཀྲོ་དྷ་ཨསྣེ། ཆེ་གེ་མོ་མཱ་ར་ཡ་ཕཊ། སྟོང་རྩ་བརྒྱད་ནས་བརྒྱ་རྩ་བརྒྱད། །ཉི་ཤུ་རྩ་གཅིག་བར་དུའོ། །ཡང་ན་བསོད་ནམས་དག་ གི་རིམ་པ་ཡིས།།བརྒྱ་དང་སྟོང་དང་ཁྲི་རུ་བྱ། །དེ་ལྟར་བྱས་པས་དེ་གསོད་ཅིང་། །ཁྱད་པར་དུ་ནི་འབྱུང་པོ་གསོད། །ཐ་མ་དགང་བླུགས་བསྟོད་བྱའོ། །དེ་ཡི་ཐུགས་ཀར་གོས་སྔོན་བསྐྱེད། །ཡེ་ཤེས་སེམས་དཔའ་སྤྱན་དྲང་བསྟིམ། །རྒྱས་བཏབ་མཆོད་པ་གོང་བཞིན་དབུལ། །དེ་ ནས་སྲེག་རྫས་།རིམ་བཞིན་དབུལ། །རྩ་སྔགས་ཉིད་ཀྱིས་དབུལ་བར་བྱ། །གོང་གི་མན་ངག་ཤེས་པར་བྱ། །དགང་བླུགས་ཕུལ་ལ་བསྟོད་པར་བྱ། །ཕྲིན་ལས་བཅོལ་ཞིང་གཤེགས་སུ་གསོལ། །ཏིང་འཛིན་བསྡུས་ཏེ་མེ་ལྷ་བསང་། །རྫས་རྣམས་ཐམས་ཅད་བསྡུས་ནས་ནི། །མེ ཡི་ལྷ་ལ་དབུལ་ཞིང་བསྟོད་པ་བྱ།།ཕྲིན་ལས་བཅོལ་ཞིང་གཤེགས་སུ་གསོལ། །ཏིང་འཛིན་བསྡུས་ཏེ་སྤྱོད་ལམ་བྱ། །སློབ་མ་རྣམས་ཀྱི་དོན་ཆེད་དུ། །བདག་གིས་མན་ངག་འདི་བཀོད་པས། །སློབ་དང་སེམས་ཅན་ཐམས་ཅད་ཀྱང་། །གོས་སྔོན་དངོས་གྲུབ་ ་ཐོབ་པར་ཤོག་།